Siglir tar il cuntegn

Header

cuntegn

Engiadina Nov areal da partenza per 16avla cursa da dunnas

La cursa da dunnas 2015 porscha pliras premieras. Ella parta da nov davent da l'arena da sport Promulins e betg pli davent da la plazza aviatica a Samedan. Plinavant vegnan las curriduras a partir en boxas. Il fatg che la data sa cruscha cun il Chalandamarz ha damain annunzias per consequenza.

In’emna avant la gronda cursa populara, il Maraton da skis engiadinais, partan bun 900 curriduras a Samedan en direcziun S-chanf per la cursa da dunnas.

Nov è la partenza quest onn en l’arena da sport Promulins e betg pli sco usità ils ultims 15 onns tar la plazza aviatica da Samedan.

Meglra infrastructura

Cun quest midament possian ins porscher ina meglra infrastructura a las passlunghistas. Il nov lieu da partenza haja damain plazzas da parcar, è però pli datiers a las staziuns dal traffic public. Il traject da Samedan a S-chanf da 17 km daventia radund in mez kilometer pli lung cun il sviament da la loipa sur Bever.

Marca magica

Sco ch’il president dal Maraton da skis engiadinais, Ivo Damaso ha declerà, veglian ins cuntanscher quest onn sche pussaivel la marca magica da 1’000 participantas.

Il fatg che la data da la cursa da dunnas sa cruscha quest onn cun il 1. da mars – il di da Chalandamarz en Engiadina – haja damain annunzias per consequenza.

Artitgels legids il pli savens