Siglir tar il cuntegn
cuntegn

Engiadina Ni chaun ni giat – in piv sco animal da chasa

Il magister da gimnastica, Werner Fischer, ha decis per in animal spezial sco animal da chasa, numnadamain in piv.

Legenda: Guardar il video Werner Fischer da Ftan ha in piv a chasa. Durada 04:34 minutas.
Or da Telesguard dals 28.06.2017.

In zichel insolit è quai propi d’avair in piv sco animal da chasa. Werner Fischer ha tschertgà in animal che correspunda cun el, in animal quiet che viva plitost solitari.

Il piv «Bubo»

«Bubo» è il num latin per il piv. «Bubo» è gist eri il num dal giuven piv dad otg emnas che viva a Ftan tar Werner Fischer. La sfida da trair si in piv e gronda. Werner Fischer è gia dapi in onn vidlonder da far ina scolaziun co tgirar ses nov abitant en la pitschna chasa sisum il vitg da Ftan.

In piv domestic

Tar il piv da Werner Fischer sa tracti d’in animal che deriva ord in zoo. Ses piv vegn a restar per adina domestic e n’astga, tenor lescha, betg vegnir mess ora en libertad. Sche tut va bain cuntanscha in piv domestic ina vegliadetgna da radund 50 enfin 60 onns.