Siglir tar il cuntegn

Header

Navigaziun

chavagls
Legenda: Viadis en charrotscha en Val Bever n'èn betg pli pussaivels d'enviern. RTR
cuntegn

Engiadina Nagins viadis cun charrotscha pli en Val Bever

En la Val Bever na datti quest enviern nagins viadis cun charrotschas. La raschun è il naufragi da las tractativas tranter l'hotel Spinas che porscha tals viadis ed ils possessurs dal terren. Quels n'han betg pli dà la lubientscha da passar lur parcellas per quest enviern.

Per l’hotel Spinas vul quai dir ina sperdita d’ina purschida turistica ed a lunga vista er ina sperdita finanziala, ha ditg il possessur, Jürg Degiacomi. La stad avess tut da restar sco enfin uss, lura maina la via numnadamain betg sur terren privat.

Investì bler en la purschida

Jürg Degiacomi deplorescha la situaziun difficila. Els hajan investì bler en l'affar cun las charrotschas ils davos onns. Quai suenter che la purschida n'existiva betg pli durant plirs onns. Dal 2008 cura ch'els han cumprà l'hotel Spinas han els puspè vulì pussibilitar la purschida. Era sche quai era il mument in affar da deficit. Plaun plaunet fissan ins rivà sin ina nulla naira, uschia Degiacomi envers RTR.