Siglir tar il cuntegn

Engiadina Nagin stgalim superiur da Zernez cun La Plaiv

Zernez di cleramain na a la proposta ch'il Lyceum alpinum Zuoz pudess manar il stgalim superiur da las vischnancas da la Plaiv e da Zernez.

Legende: Video Zernez di na a stgalim superiur ensemen cun La Plaiv abspielen. Laufzeit 1:34 Minuten.
Or da Actualitad video dals 01.09.2015.

174 votantas e votants han vulì decider davart il futur da l'atgna scola superiura a Zernez. Il resultat è stà cler: 130 han ditg ch'els vulan vinavant avair la scola secundara e reala en vischnanca a Zernez. Be 37 votantas e votants han ditg gea a l'idea da fusiunar da scola cun las vischnancas da La Plaiv, S-chanf, Zuoz, Madulain e La Punt.

la radunanza communala da Zernez
Legenda: Grond interess per decider davart il futur da la scola. 174 persunas èn stadas a la radunanza communala davart l'avegnir da la scola secundara e reala da Zernez. RTR/D. Spinnler

Ussa resta la scola secundara e reala a Zernez en vischnanca. Quai è l'incumbensa da la populaziun a la suprastanza communala.

Manà il stgalim superiur da Zernez e La Plaiv avess il Lyceum alpinum a Zuoz cun ina incumbensa da prestaziun.

L'idea da cooperar è stada sin maisa pervia che la scola superiura da La Plaiv ha ina mancanza da locals e la suprastanza da Zernez ha argumentà ch'ins haja en avegnir adina damain scolaras e scolars.