Siglir tar il cuntegn
Inhalt

Engiadina Nagin n'è memia giuven per far triatlon

Nudar, currer ed ir cun il velo – e quai tut en ina cursa – il Kidscup by Nicola Spirig duai pussibilitar als uffants da sa mesirar en moda e maniera divertenta e lucca. L'interess per il sport n'è dentant betg be creschì tar ils uffants. San Murezzan sa sviluppa adina dapli ad in Mecca.

Legende: Video In Mecca per il triatlon abspielen. Laufzeit 01:48 Minuten.
Or da sil punct dals 07.08.2017.

Questa fin d’emna è San Murezzan stà sut l’ensaina dal «San Murezzan triatlon». La sonda è vegnì organisà il Kidscup by Nicola Spirig, in triatlon per uffants. E la dumengia èn lura partids ils creschids u per in duatlon u per in triatlon.

La fin d’emna da triatlon vegn organisada dapi quatter onns da la triatleta e campiunessa olimpica Nicola Spirig e da ses um Reto Hug cun la finamira, che blers sportists e surtut ils uffants survegnan plaschair da far triatlon.

Legende: Video Fufragnar aria da triatlon abspielen. Laufzeit 00:48 Minuten.
Or da RTR dals 06.08.2017.

Nagin è memia giuven ni memia vegl per triatlon

Triatlon è enconuschent d'esser in sport fitg strapatschus. Reto Hug, organisatur da la fin d’emna «San Murezzan triatlon by Nicola Spirig», vul mussar cun questas cursas, che quai sport po era far plaschair e che mintga vegliadetgna è adattada per cumenzar a far triatlon.

Ils pli giuvens en il center da l’attenziun

Legende: Video Pertge è San Murezzan adattà pel triatlon abspielen. Laufzeit 00:10 Minuten.
Or da RTR dals 06.08.2017.

Il Kidscup by Nicola Spirig è per uffants tranter 5 e 14 onns. Passa 180 uffants, giuvens e giuvnas èn s'annunziads per la cursa. Partids èn els en differentas categorias da la furmia enfin l’urs. Intgins èn sa participads cun grondas aspectativas, intgins simplamain per avair plaschair.

Reto Hug e sia dunna, la triatleta Nicola Spirig, èn fascinads da l'Engiadin'Ota e san precis, pertge che questa regiun è adattada per il triatlon.

Nov Mecca per triatlets

Durant ils ultims onns s'ha San Murezzan sviluppà onn per onn ad in lieu ideal per trenaments d'autezza. Grazia al bogn public Ovaverva, la pista da tartan da 400 meters e las sendas per bikes è la regiun predestinada per trenar il sport da triatlon, ha suttastritgà Reto Hug.

RR novitads 18:00