Suenter la fundaziun da la nova destinaziun turistica da l’Engiadin’Ota è questa decisiun numnadamain stada necessaria. Il motiv principal per la suprastanza communala da Puntraschigna era surtut la persvasiun ch’in post regiunal è pli coordinà e ch’ins possia entras quai era profitar da sinergias tranter pèr.
7 da 11 vischnancas collavuran cun la nova destinaziun turistica
Sut il stritg han Silvaplauna, San Murezzan e S-chanf decidì dad organisar da nov sez l’infurmaziun turistica en vischnanca e Madulain schizunt dad insumma betg pli avair in post en vischnanca. Sco quai che la suprastanza communala da Puntraschigna scriva en sia communicaziun, deploreschia ella surtut la decisiun da la vischnanca da San Murezzan.