Siglir tar il cuntegn

Engiadina Mintga vita quinta – ina drona a la tschertga da chavriels

La societad da chatschaders Tasna ha cumprà ina drona cun ina camera termica per chattar ils chavrielins avant ch'il pur sega. I sa tracta d’in project da pilot en Grischun.

Legende: Video Dronas per chattar chavrielins avant ch'il pur sega abspielen. Laufzeit 3:31 Minuten.
Or da Telesguard dals 22.06.2018.

«Quai fa mal il cor», di Reto Bickel pur d’Ardez. Ma adina puspè capitia ch'in chavrielin perdia la vita tras ils cuntels da la maschina da segar. Ina nova soluziun per proteger ils chavrielins ha chattà la societad da chatschaders Tasna cun l'iniziant e chatschader Armon Schlegel. Per radund 7’000.00 francs han els cumprà ina drona cun camera termica.

30 chavrielins avain nus chattà ils emprims 10 dis – quai sveglia emoziuns
Autur: Armon SchlegelInizaint e chatschader

Il pilot stat a l'ur dal prà e minimalmain 2 gidanters èn da viadi. Sin visurs vesan els tut quai che surpassa la temperatura da 22 grads, uschia èn ils chavrielins bain visibels e vegnan chattads en l’erva lunga.

Era l’uffizi da chatscha ha interess

Ensemen cun ils chatschaders da la societad sa participescha era il guardiaselvaschina a las acziuns. Tenor il manader da l'Uffizi da chatscha e pestga, Adrian Arquint ston ins proseguir ed evaluar il sistem e finalmain era integrar l'actur pertutgà il pli ferm – il pur.

RR actualitad 17:00