Las provas en las categorias da 2 e 4 stailas èn sin la prada da polo. Perquai ha stuì vegnir mess si plattas da gumma sin tut la plazza e sin questas lura in sablun da quarz: 40 camiuns plain. Per tgirar questa plazza, dovri vitiers er anc mintga di radund 60'000 liters ova.
Legenda:
In dals 4 tractors per bagnar la plazza da turnier e preparaziun
RTR/V.Rominger
2 / 5
Legenda:
Anton, numnà Toni Waser - il um per plazzas da l'ir a chaval
RTR/A.Caprez
3 / 5
Legenda:
Patrick Waser, figl dad Anton fa era part da la squadra
RTR/A.Caprez
4 / 5
Legenda:
Il CSI ha lieu sin il pro da polo a San Murezzan
RTR/V.Rominger
5 / 5
Legenda:
La plazza da preparaziun - era cun sablun da quarz
RTR/V.Rominger
L'occurenza è per l'emprima giada a San Murezzan. In eveniment che custa radund 3,5 milliuns francs e che ha duvrà in temp da preparaziun da 3 onns. La presidenta dal comité d'organisaziun, Leta Joos è da Samedan ed ha ina buna rait en il sport da chaval. «Mo uschè è quai grategià da metter en pe il turnier», di ella.
La gronda sfida è la plazza da turnier
La plazza da turnier è la pli gronda sfida – ina ch'ins dat en ils mauns da profis: precis en quels dad Anton Walser. El ha l'unica firma en Svizra da bajegiar plazzas da sella.
Sia incumbensa è da bajegiar si la plazza. Sco emprim cun plattas da gumma, lasura il sablun da quarz maschadà cun fibras. Tut quai sto vegnir maschadà pliras giadas e surtut dovra la plazza ova. Radund 60'000 liter aua al di. Suenter mintga prova ston Anton Waser è ses collavuraturs ir en la plazza culs tractors per dar ova al sablun.
