Martellar, fresar, construir e programmar – 24 uffants engiadinais survegnan durant in’emna la pussibilitad da scuvrir il mund da MINT (matematica, informatica, scienza natirala e tecnica). Organisada vegn quell'emna da project per l’emprima giada en l'Engiadina.
L’emna da MINT exista en il Grischun dapi il 2014 ed è in project da success. Mintg’onn èn las plazzas occupadas entaifer curt temp. Per garantir che er las mattas sa participeschan èn adina reservadas 12 plazzas per ellas.
Uffants èn fascinads
Da pudair emprender ad enconuscher la lingua da programmaziun, lavurar cun ils agens mauns, quai fascinescha. Ils uffants vegnan sustegnids da studentas da la Scol'auta da pedagogia dal Grischun e dad emprendists da l’ufficina per falegnams, sco er dad informatichers da Samedan. Quella constellaziun plascha e funcziuna fitg bain.