Siglir tar il cuntegn

Header

Navigaziun

In placat da convivenza.
Legenda: L'inscunter ha lieu cun 8 gruppas da minoritads en l'Europa. RTR. R. Mayer
cuntegn

Engiadina Minoritads da l'Europa s’inscuntran a Scuol

Convivenza, il center internaziunal per minoritads ha organisà in inscunter cun differentas gruppas minoritaras da l’Europa.

Da venderdi ils 23 d’october fin dumengia ils 25 d’october fan 8 gruppas minoritaras part a quest inscunter. Sin il program èn differents referats nua che questas gruppas pon sa preschentar, cun la fin mintgamai ina discussiun e in barat d’experientscha.

Proteger meglier las minoritads en l'Europa

Sper quai vegna tratg bilantscha quai che pertutga la cunvegna da basa per proteger minoritads naziunalas. Questa cunvegna e vegnida suttascritta avant 15 onns da tut ils pajas da l’Europa. Il punct culminant è venderdi suenter mezdi la visita dal manader dals Tartars da la Crim, Refat Chubarov a Scuol. Ils Tartars da la Crim èn ina minoritad da la mes’insla Crim, quella è gia dapli ch’in onn sa decidida da tutgar tar la Russia.