Siglir tar il cuntegn
Inhalt

Engiadina Michel Conti daventa schefmedi chirurgia da l’ospital Samedan

La cumissiun da l’ospital regiunal en Engiadin’Ota ha elegì l’engiadinais a la testa da la partiziun chirurgia.

Michel Conti
Legenda: Michel Conti mad

Michel Conti e creschì si a San Murezzan ed ha frequentà la scola media a Zuoz. Suenter ses temp d’assistenza ha el lavurà sco schefmedi a l’Ospedale Civico a Lugano. Dapi settember 2006 lavura el a l’ospital a Samedan.

Conti manava la partiziun gia ad interim dapi ch’il schefmedi Duri Gianom aveva demissiunà suenter 7 onns per la fin da mars 2016 il post a l’ospital regiunal a Samedan. Gianom surpiglia per cumenzament zercladur 2016 la plazza da schefmedi a l’ospital regiunal a Scuol.