Sut l’egida da l’associaziun d’alps Segl han ins sviluppà in project, che mussa tut las sendas tras pastgs pasculads sin la pagina d’internet da la destinaziun turistica Engiadina San Murezzan. La plattafurma cumpiglia tut il territori tranter la Bergiaglia fin e cun Zernez e pussibiliteschia als viandants da planisar lur excursiuns senza stuair traversar pastgs senza saivs da segirtad.
La Senda a Samedan bun exempel
La sendas per viandar duain da principi esser accessiblas sche pussaivel per mintgin senza privels. Parts exponidas spezialmain duain esser signalisadas cun ina saiv scriva il cussegl communal da Samedan en ina communicaziun. In bun exempel saja la via d’aventura “La Senda” che la vischnanca da Samedan promova activamain. Sco ulteriura mesira per prevegnir ad inscunters privlus tranter vatgas mamma e viandants, èn ils purs dumandads d’evitar sche pussaivel naschientschas da vadels sin il pascul avert.