Siglir tar il cuntegn

Engiadina Mesiras da segirezza spezialas per la cursa "Vertical"

Ils 19 d'avust vegn organisada per l'emprima giada la cursa "Vertical". Il terren e la sfida èn gronds. Il traject maina sur la pista da la cursa a val dals umens dal Campiunadi mundial. L'arriv è il Freefall. Per rivar enfin tar il Freefall ston ils sportists surmuntar pendenzas da fin 45 grads.

Legende: Video "Augmentar la segirezza" abspielen. Laufzeit 01:30 Minuten.
Or da RTR dals 10.07.2017.

Il dumber da participants da la cursa da stad d'Engiadina crescha dapi 10 onns. Ella vala però sco cursa planiva. Perquai dat i a partir da quest onn ina nova sfida – la cursa “Vertical”. Quella vegn organisada il di avant la cursa da stad als 19. d’avust.

Il spezial è, ch’ella maina sur il traject da la pista da la cursa a val dals umens dal campiunadi mundial. Il arriv è il Freefall.

Facts:

Distanza: 5,5 kilometers

Differenza d’autezza: 1000 meters

Pendenza maximala: 45 grads

Terren: alpin

Mesiras spezialas:

L’entira organisaziun per quella cursa “Vertical” è speziala. I dovra mesiras da segirezza spezialas, quai vul dir, ch'ils ultims 140 meters d’autezza ston vegnir elavurads precautamain.

Craps gronds ston vegnir allontanads, sugas e raits ston vegnir plazzadas. I dovra per exempel era ponderaziuns, co che blessads pon vegnir salvads.

Perquai èn ussa era involvids spezialists da segirezza uschia che la cursa po daventar in success.