Engiadina - Meglra planisaziun da finanzas per las regiuns
La Regiun Engiadina Bassa Val Müstair lascha eruir in sistem che valitescha la fermezza finanziala d’ina regiun. Uschia pon vegnir resguardadas influenzas economicas sco per exempel ils custs da fit d’aua, impostas u la spierta da scolaziun. Quai n’era enfin uss anc betg pussaivel.
En vista a l’Agenda Grischun 2030, la strategia per il svilup da l’economia regiunala, duess quest sistem lubir ina planisaziun da finanzas per l’entira regiun ed uschia gidar ad evaluar tge projects che la regiun vegn da purtar e tgenins betg, quai scriva la Regiun Engiadina Bassa Val Müstair.
Quest project da pilot che dura in onn vegn purtà finanzialmain da la regiun e dal chantun. El pudess daventar in model era per autras regiuns.
