Siglir tar il cuntegn

Engiadina Meglier resultat dapi trais onns per Corviglia Piz Nair

La radunanza generala da la societad ha apprová il rendaquint 2014/15.

corvatsch
Legenda: La 63avla radunanza generala da la Corviglia Piz Nair SA ha lieu sin il Corvatsch. RTR, A. Caprez

Quel serra cun in gudogn da 37'000 francs. L'onn da gestiun avant era resultà in minus da 143'000 francs.

Aura cumonda

Sco ch'il president dal cussegl administrativ Franco Tramèr ha suttastritgà a la radunanza, è surtut l'aura il factur ch'influenzeschia finalmain las cifras dal rendaquint. Perquai resulteschia suenter l'enviern 2015/16 in grond minus tar las frequenzas, sco er en las duas gestiuns da gastronomia Piz Nair e Lej da la Pêsch che han pir pudí cumenzar la stagiun mesadad da schaner.

Franco Tramèr
Legenda: Franco Tramèr resta il president dal cussegl adiministrativ. El è vegnì reelegi. RTR, A. Wieland

Tramèr reeligì

Ils 34 acziunaris preschents han ultrà da quai conferma a Franco Tramèr per ulteriurs trais onns a la testa dal cussegl administrativ da la Corviglia / Piz Nair SA.