Siglir tar il cuntegn

Header

Navigaziun

Portrait dad ella.
Legenda: Martina Stadler è la successura dad Urs Wohler. mad
cuntegn

Engiadina Martina Stadler succeda ad Urs Wohler

La turisticra Martina Stadler (29) è vegnida tschernida dal cussegl administrativ da l'organisaziun turistica Engiadina Bassa, Val Müstair e Samignun TESSVM per surprender la direcziun turistica dad Urs Wohler. Quai scriva la TESSVM. Stadler maina actualmain la Uri Turissem SA.

A partir da l’emprim da matg surpiglia Martina Stadler (29) da manar la destinaziun Turissem Engiadina Scuol Samignun Val Müstair SA. Ella è responsabla per realisar e sviluppar la strategia da la destinaziun e manar l’organisaziun operativa e finanziala da quella. Sco directura maina ella 35 persunas.

Sco quai ch'il president dal cussegl administrativ da la destinaziun TESSVM, Theo Zegg, ha ditg ad RTR, sajan la scolaziun turistica, però era il fatg ch'ella saja ina dunna, stads motivs per l'elecziun da Martina Stadler.

Sco commerzianta da turissem ha Martina Stadler fatg il bachelor da scienzas turisticas a la HTW a Cuira. Creschida si è la dunna sportiva en il Salzkammergut en Austria, dapi 10 onns viva e lavura ella en Svizra. Actualmain maina Martina Stadler la Uri Tourismus SA.

RR novitads 08:30