Siglir tar il cuntegn
Inhalt

Engiadina Marco Büchel: Dal skiunz al motivatur

L’onn 1991 ha Marco Büchel dal Principadi da Liechtenstein fat l’emprima cursa en la cuppa mundiala. Il 2010 ha el terminà sia carriera cun ina terza plazza en la cursa rapida dal Lauberhorn.

Marco Büchel tranter ils preschents suenter il referat a Scuol
Legenda: Marco Büchel tranter ils preschents suenter il referat a Scuol. RTR, R. Mayer

Ussa è Marco Büchel d'ina vart co-commentatur da l’emettur da televisiun ZDF per las cursas da ski alpin. Da l’autra vart è Marco Büchel referent.

Ils 15 avrigl 2015 ha Marco Büchel referì a Scuol durant la radunanza da la banca Raiffeisen. Büchel ha tematisà la passiun, surtut la passiun dad ir cun skis, dentant era la passiun dad esser co-commentatur. Che Marco Büchel è in um passiunà ha il public badà durant il referat.