Siglir tar il cuntegn

Header

cuntegn

Maraton da skis engiadinais Vischnancas sustegnessan cursa d'elita

Per l'organisaziun d'ina cursa d'elita dal Maraton da skis engiadinais èn dumandadas las vischnancas da la regiun Malögia per in sustegn finanzial da total 100'000 francs.

Vischnancas sustegnan l'occurrenza

Sco Menduri Kasper, il CEO dal Maraton da skis engiadinais ha ditg envers RTR, sajan las respostas da las vischnancas per entant fitg positivas. Per las vischnancas saja l’occurrenza da grond’impurtanza per tut la regiun. En il mument manchia dentant anc il consentiment.

Decisiun la fin da schaner

Tenor Menduri Kasper duai en in proxim pass vegnir sclerida l’organisaziun concreta, tranter auter tge atlets che fissan a la partenza da la cursa d’elita che duai avair lieu la dumengia dal maraton. La decisiun finala davart quella cursa vegnia tratga la fin da schaner.

RTR novitads 17:00

Artitgels legids il pli savens