Siglir tar il cuntegn

Header

audio
Maraton da skis engiadinas – per blers ina chaussa dal cor, era per Menduri Kasper
Or da Sportissimo dals 08.03.2020.
laschar ir. Durada: 4 minutas 22 Secundas.
cuntegn

Maraton da skis engiadinais Passa milli èn tuttina currids il traject dal maraton

Betg per il temp, mabain per il plaschair e per sasez. Uschia tunava oz en damaun sin la loipa da passlung a Malögia. Là, nua che radund 14’000 curriduras e curridurs fissan atgnamain partids per la 52avla ediziun dal maraton da skis engiadinais.

La pli gronda cursa populara en Svizra n’ha questa dumengia betg gì lieu. Il coronavirus ha sfurzà ils organisaturs dal maraton da capitular. Dentant han plirs millis tuttina betg vulì desister da la cursa. Memia gronda è stada lur dischillusiun d’avair trenà tut l’enviern per nagut.

Uschia èn numerusas passlunghistas e passlunghists partids da la damaun davent da Malögia cun la finamira da currer tut il traject da la cursa enfin l'arriv a S-chanf.

Il maraton vala numnadamain per bleras participantas e participants sco in dals gronds highlights en la stagiun da passlung.

audio
Maraton da skis engiadinas – per blers ina chaussa dal cor, era per Menduri Kasper
ord Sportissimo dals 08.03.2020.
laschar ir. Durada: 4 minutas 22 Secundas.

RTR Sportissimo 17:00

Artitgels legids il pli savens