L’organisaziun dal Maraton da skis engiadinais ha infurmà quests dis via posta electronica ils radund 17’000 participants da las differentas cursas en il rom da l’emna da Maraton. Causa il coronavirus han ils organisaturs gì da stritgar tut las occurrenzas.
Grond minus
Sco che l’organisaziun scriva en la charta als passlunghists resultia quest onn sut il stritg ina gronda perdita per il Maraton da skis engiadinais. Dus milliuns francs hajan ils organisaturs gia dà ora avant che la cursa è vegnida desditga. En pli crodan uss ulteriurs 700’000 francs entradas davent. Perquai tegnia il Maraton per sai dus terz da las taxas da partenza, 35 francs survegn mintga participant enavos.
L’avegnir dal Maraton da skis engiadinais na saja dentant betg periclità
Per tadlar curt e concis
