Siglir tar il cuntegn

Engiadina Maraton d'Engiadina crescha: Cursa da notg supplementara

Il Maraton d'Engiadina fa ina nova cursa a partir dal 2017. Uschia vegn quai a dar la gievgia saira avant il maraton ina cursa da notg tranter Segl e Puntraschigna, scriva l’uniun Maraton d'Engiadina.

curriders che spetgan sin il start
Legenda: Era la notg avant il start dal maraton duai quai dar ina cursa da clerglina da Segl a Puntraschigna. RTR, Violanta Rominger

A la radunanza generala ha l'uniun Maraton d'Engiadina infurmà ch'i dettia ina cursa supplementara la notg avant il maraton – quai da Segl a Puntraschigna. Tenor il mainagestiun Menduri Kasper duai quai esser ina cursa da clerglina. Il maraton d'Engiadina duai en l'avegnir daventar dapli che ina cursa da passlung.

Deficit tras restructuraziuns

Era ha l’uniun preschentà il quint per il 2015/2016 che serra cun ina sperdita da radund 109'000 francs. Motiv per la sperdita saja ch’in dals sponsurs principals haja disditg la collavuraziun e custs extraordinaris per persunal a recrutaziun, scriva l’Uniun maraton engiadina a las medias. Custs extradordinaris ch'i haja dà suenter la demissiun da la suprastanza da fin ussa.

RR novitads 18:00