Siglir tar il cuntegn

Engiadina Manipuleschan adversaris da project «Serletta Süd» ils fatgs?

Quai scrivan ils iniziants dal project che prevesa ina nova Clinica Gut ed in hotel da sanadad en ina communicaziun. Ils adversaris manipuleschian uschè la furmaziun d’opiniun libra.

Il maletg dals adversaris dal project «Serletta Süd» mussa autras dimensiuns (en cotschen) ch’il maletg original.
Legenda: Il maletg dals adversaris dal project «Serletta Süd» mussa autras dimensiuns (en cotschen) ch’il maletg original. mad

Adversaris refusan rinfatschas

Ils hotels Palace e Kulm refusan las rinfatschas. Tut las fotografias ch’els dovrian sajan vegnidas fatgas confurm als plans originals, senza midaments. Ins haja collavurà cun ina firma renumnada che haja fatg ils plans en 3D, quai cun surpigliar precisamain ils plans originals. Quai di Jörg Röthlisberger, responsabel per la communicaziun en chaussa per ils hotels da 5 stailas Kulm e Palace.

Duai la populaziun decider?

Questa gievgia decida il cussegl communal, schebain la populaziun duai decider davart la revisiun parziala da la planisaziun locala «Serletta Süd». La votaziun avess lieu ils 18 d'october.