Siglir tar il cuntegn

Header

video
La mamma Chalandamarz da Lavin
Or da Actualitad dals 07.03.2017.
laschar ir. Durada: 3 minutas 28 Secundas.
cuntegn

Engiadina «Mamma da Chalandamarz» dovra 3 kilos pasta

A Lavin cuschina la «Mamma da Chalandamarz» durant 6 dis la tschaina per tut ils uffants da la vischnanca.

la sala a Lavin cun ils uffants che mangian tschaina.
Legenda: Passa 40 uffants survegnan tschaina da la «Mamma da Chalandamarz». RTR, Dario Müller

Il Chalandamarz a Lavin en Engiadina Bassa n'è betg finì la saira dal prim da mars. A Lavin cumenza la lavur per la «Mamma da Chalandamarz» a partir dals dus da mars. Alura ha numnadamain la mamma da l'uffant il pli pli vegl da la vischnanca l'incumbensa da cuschinar durant 6 dis la tschaina per tut ils uffants da scola. La tschaina per tut ils uffants tar la «Mamma da Chalandamarz» è tradiziun a Lavin dapi passa 100 onns. Quest onn è Eva Brunner la «Mamma da Chalandamarz».

In toc charniez.
Legenda: Per exempel charniez cun pasta - in dals menues durant ils dis da la tschaina da Chalandamarz RTR, Dario Müller

Idea sociala

Pli baud ramassavan ils mats las mangiativas per las tschainas da Chalandamarz. Uschia pudevan era ils uffants da las famiglias pli paupras almain durant in'emna d'enviern mangiar avunda. Oz ramassan ils uffants raps per gidar da finanziar las tschainas da Chalandamarz.

Ils menus da Chalandamarz a Lavin

2 da marsRis da
curry cun frtigs e salata
Dessert:
chau-caramella
3 da mars
Macaruns
e charn manizzada cun buglia da maila
Dessert:
in berliner
4 da mars (avant il bal da Chalandamarz)
Hotdog
e verdura cun sosa da dip
Dessert:
in glatsch
5 da mars
Buglia
da tartuffels cun balinas da charn manizzada e carottas, salata
Dessert:
turta da glatsch
6 da mars
Charniez
e pasta, salata
Dessert:
crema da tschigulatta e vaniglia
7 da mars
Fletta
viennaisa e pomfrits
Dessert:
morin
quantitads:pasta: radund 3 kilos, ris: tranter 2.5 e 3 kilos
per passa 40 uffants

TR Telesguard 17:40

Artitgels legids il pli savens