Siglir tar il cuntegn

Header

video
Premi da la CIPRA per Salecina
Or da Actualitad dals 09.05.2017.
laschar ir. Durada: 2 minutas 31 Secundas.
cuntegn

Engiadina Malögia: Premi per svilup persistent va a Salecina

Il center da vacanzas e furmaziun Salecina survegn il premi principal 2017 da la CIPRA Svizra. Il premi è dotà cun 5'000 francs.

Tge u tgi è la CIPRA

Avrir la boxSerrar la box

La CIPRA Svizra è l’uniun tetgala da pliras uniuns activas en la protecziun da las alps. Sco per exempel l’Iniziativa da las Alps, Mountain Wilderness, la Pro Natura, il Club Alpin Svizzer, il BirdLife Svizra ed il WWF Svizra.

La giuria da la CIPRA è fascinada dal caracter da pionier dal center da Salecina e da ses success sur in talmain lung temp. Auters criteris per il premi èn era la voluntad per la persistenza ecologica e l’effizienza economica e sociala dal center Salecina.

La purschida da Salecina

Il center da vacanzas e da furmaziun è vegni fundà il 1971 en vischinanza da Malögia per porscher ina chasa da vacanzas per persunas na bainstantas.

audio
In sistem che ha persistenza
ord Novitads dals 09.05.2017.
laschar ir. Durada: 2 minutas 49 Secundas.

Uss porscha Salecina sur tut l'onn in program da seminaris cun lavuratoris da chant, d’istorgia, politica, cultura e sport e generescha qua tras 9'000 pernottaziuns.

L’impurtanza regiunala da Salecina

Tenor la giuria gioga Salecina ina rolla impurtanta per la regiun. Salecina cumpra bler tar producents regiunals e furniturs da la regiun.

Cronologia

1689
La chasa da purs vegn bajegiada.
1971Theo ed Amelie Pinkus fan la fundaziun Salecina, ina chasa da
recreaziun. Ils fundaturs han era l’idea da furmar in centrum politic per
l’ideologia sanestra.
1972La polizia cumenza cun la fischa Salecina.
1991Il fundatur Theo Pinkus mora.
1996La fundatura Amelie Pinkus-De Sassi mora.

RR actualitad 17:00

Artitgels legids il pli savens