Siglir tar il cuntegn
Inhalt

Engiadina Malögia: Palpiri per refurma territoriala è pront

La conferenza dils presidents communals da la nova regiun Malögia han elavurà e preparà ils statuts per la nova regiun che duai esser en funcziun a partir dals 1. da schaner 2016.

Vista sur ils leis da l'Engiadin'Ota.
Legenda: La votaziun davart ils novs statuts succeda en mintgina da las 12 vischnancas. Keystone

Ils giavischs e las criticas inoltradas dad abitants haja la conferenza tractandà e per part er resguardà, scriva il president communal da Segl Christian Meuli en la communicaziun.

Incumbensas duain esser scleridas la fin dal 2017

Per las incumbensas ch’èn actualmain en ils mauns dal circul regiunal d’Engiadin’Ota duain ins anc chattar ina soluziun fin il pli tard la fin dal 2017. Quai èn sper l’ospital e la chasa da tgira, il traffic public regiunal, l’organisaziun turistica, la scola da musica, la promoziun da cultura e la plazza aviatica a Samedan.

Cun in’occurrenza publica ils 23 d’avrigl 2015 infurmeschan ils presidents davart la realisaziun da la refurma territoriala.La votaziun davart ils novs statuts suonda silsuenter en mintgina da las 12 vischnancas.

RR novitads 18:00