Siglir tar il cuntegn

Engiadina Malauras na vegnan betg budgetadas

Malauras localas han chaschunà gronds donns a Scuol e Valsot. L’emprima giada il 2015 e questa stad puspè. Tuttina: In conto per malauras n'è betg in tema.

L’En en vischinanza da Strada, il letg dal flum sa svià
Legenda: L’En en vischinanza da Strada: Il letg dal flum sa svià. RTR, Georg Luzzi

Milliuns vegn a custar il refar las vias, la prada ed era l'infrastructura communala e da privats. Las grondas lavurs èn gia fatgas. En divers lieus ston ins anc far in project per trair las gistas mesiras da segirezza e per evitar en l'avegnir ulteriurs donns.

Bunamain la mesadad dals custs vegnan surpigliads dal chantun e da la Confederaziun. Ulteriuras entradas vegnan spetgadas d’instituziuns che sustegnan vitgs ch'èn pertutgads da devastaziuns.

Realisar ina reserva en la contabilitad da la vischnanca n'è betg la soluziun per Scuol e Valsot. Els èn da l'avis ch'ina vischnanca cun ina tala grondezza po schon purtar tals custs en onns da catastrofas. E damai ch'ins na sappia mai sch'i capita puspè insatge na rendia quai betg.

RR actualitad 07:00