Siglir tar il cuntegn

Engiadina Maister da sauna engiadinais è campiun svizzer

Gian Claudio Mayer da Scuol ha gudagnà ils campiunadis svizzers dals maisters da sauna ch’èn stads la fin d’emna passada a Bogn Ragaz. Grazia a sia victoria è l’um da 41 onns sa qualifitgà per ils campiunadis mundialas dal settember en Germania.

Legende: Video Curius, singular u perfin in pau bizar? Ubain simplamain cool e fascinant? abspielen. Laufzeit 3:48 Minuten.
Or da Actualitad video dals 11.08.2015.

13 candidats e set teams èn sa mesirà cun preschentar lur infusiuns al public ed ad ina giuria cun temperaturas da 90 grads celsius.

Fatg ils pli blers puncts ha Gian Claudio Mayer surtut cun sia tecnica trenada durant plirs mais. Dentant er grazia ses elements da show ha el pudì persvader la giuria. Uschia è il maister da sauna sa preschentà al public sco in emploià tirolais cun scussal blau, pli tard sco indigen vestì cun chautschas da tgirom e finalmain cun in saut à la Michael Jackson.

2. plaz per team Ova Verva

Il maister da sauna al bogn da San Murezzan Ova Verva ha gudagnà sper l’emprim plaz tar la rangaziun singula, il segund premi cun il team Ova Verva e la preschentaziun «Asterix ed Obelix».

Ils campiunadis mundialas dals maisters da sauna èn dals 15-20 da settember 2015 a Sinsheim en Germania.