Siglir tar il cuntegn

Header

Navigaziun

Autos sin il parcadi da la regiun da skis da Danuder
Legenda: Parcadi da la regiun da skis da Danuder Blers autos dals Pajais Bass dentant er auts da la Svizra. RTR/R. Mayer
cuntegn

Engiadina Main giasts svizzers a Danuder/Nauders che spetgà

Avant bundant in mais è vegnì dà liber il curs dal franc svizzer vers l’euro. La purschida sur cunfin è daventada tras quai fitg favuraivla. Pertutgà fitg ferm da quest fatg è la regiun da cunfin da l’Engiadina Bassa cun l’Austria.

Il territori da ski da Danuder/Nauders è be gist 5 km davent dal cunfin svizzer. Uschia situà optimalmain per profitar dal franc ferm.

Sch’ins guarda sin il parcadi da la regiun da skis da Danuder chatt’ins era autos cun numers svizzers, però la gronda massa è dad auters pajais oravant tut dal Pajais Bass. Tenor Heinz Pfeifer, il manader da gestiun da las pendicularas Danuder, ha el constatà in lev augment dals giasts svizzers, quest augment na saja dentant betg remartgabel.