Siglir tar il cuntegn

Header

Roberto Zanetti studegia plans
Legenda: Il president communal da Madulain, Roberto Zanetti studegia ils plans. RTR, A. Caprez
cuntegn

Engiadina Madulain vul nov restaurant en vischnanca

La radunanza communala ha approvà in credit per realisar in'ustaria en las localitads da l'ufficina communala. Quai en ina decisiun da piz a cup cun 22 vuschs gea, e 20 vuschs na.

audio
Bunura: Madulain di gea a l'ustaria
ord Actualitad dals 05.07.2016.
laschar ir. Durada: 1 minuta 5 Secundas.

La suprastanza communala aveva elavurà in project da 1,7 milliuns francs per in'ustaria cun radund 90 plazzas. Al medem mument vuless ins er gist renovar la part cun il stgaudament a distanza en l'edifizi a l'ur da la vischnanca.

Rendita encunter plivalur per vischnanca

Durant ina discussiun animada da bun 90 minutas han pliras persunas express lur tema dals custs memia auts che la vischnanca avess finalmain da purtar per finanziar il project. En pli han singuls mess en dumonda la necessitad d’in ulteriur restaurant en vischnanca.

Tge che custa quant vi dals 1.7 milliuns francs

Tge
Custs
Lavurs da preparaziun
46'000 francs
Edifizi1'055'000 francs
Indrizs da manaschi
428'500 francs
Conturn20'000 francs
Custs da fabrica laterals e contos transitorics
43'500 francs
Mobigliar105'000 francs
Preventiv total
1'698'000 francs 

Finalmain han ils 42 preschents dentant decis per scrutini d'approvar la dumonda da credit. Sche tut va tenor plan, duess la nova ustaria avrir sias portas la proxima stad.

Artitgels legids il pli savens