Siglir tar il cuntegn

Engiadina Madulain cumpra naiv da Zuoz per la via da glatsch

Gia l’onn passa han ins vulì realisar ina via da glatsch dad 1 km lunghezza da la vart sanestra da l’En che passa direcziun Zuoz. L’onn passa ha la vischnanca anc desistì causa mancanza da naiv. Quest onn ha ella dentant cumprà la naiv.

Madulain ha inaugurà la via da glatsch per lung l’En. 540 meters cubic naiv ha la vischnanca per quai cumprà da Zuoz. Radund 10'000 francs ha Madulain investì en questa via da glatsch.

«Igl è impurtant che era Madulain investescha per porscher insatge a giast ed indigen», ha ditg Corina Asam, suprastanta communala. Ella è dapli che cuntenta che quai ha uss funcziunà ed è persvasa da l’idea. «Quanta glieud che la via attira la fin finala, vegn anc a sa mussar», ha ella ditg. 10 persunas a di fissia gia ina bella cifra.