Siglir tar il cuntegn

Header

Navigaziun

Lyceum Alpinum Zuoz
Legenda: Il project Urezzas che fa part da la strategia 2015-2020 dal Lyceum Alpinum. mad
cuntegn

Engiadina Lyceum Alpinum Zuoz è senza debits

La scola media a Zuoz stat sin in fundament solid, scriva la «Lyceum Alpinum Zuoz SA» en sia communicaziun a las medias. La svieuta totala è s'augmentada per in mez milliun sin 20,1 milliuns francs. Il numer da scolars è restà constant.

Il bun resultat haja il Lyceum Alpinum cuntanschì cun in’occupaziun pli auta da l’internat ed ina controlla dals custs. Il chapital agen correspunda cun 19,7 milliuns francs a 71 % da la summa da bilantscha.

Strategia 2015-2020

La scola media ha fixà sias finamiras strategicas fin l’onn 2020. Ils puncts centrals da l’interpraisa èn d’augmentar la qualitad en tut ils secturs e dad acquistar anc dapli scolars.

Il nov fabricat Urezza, che duai esser pront per l’avust 2017, è ina da las pitgas impurtantas per realisar l'entira strategia 2015-2020. En tut vul la scola media investir ils proxims onns 40 milliuns francs.

La radunanza generala dal Lyceum Alpinum ha lieu ils 9 da schaner 2016.