Siglir tar il cuntegn
cuntegn

Engiadina Ludar ils avantatgs enstagl da sa lamentar

Christian Gartmann da San Murezzan appreziescha l’Engiadina ed il Chantun Grischun cun sias bellezzas en curtas sequenzas da film ch’el metta sin il profil da Facebook: „Hallo liebe Unterländer“

Isabel Wenger e Christian Gartmann a San Murezzan davant la chasa Futura
Legenda: Isabel Wenger e Christian Gartmann produceschan sez ils filmins da reclama A. Caprez

Cun quels curts filmins divertents vul il possessur d’in biro da communicaziun render attent che tut è pli bel en il chantun da vacanzas e surtut pli agreabel a reguard las temperaturas.

L’idea sco tala il saja vegnida durant ch’el era giu la Bassa cun chaliras entant ch’ils lais in Engiadin’Ota envidan a sa rinfrestgar cun il sigl en l’aua.

Entant sa derasan ils spots da reclama filmads cun in telefonin en tut il mund e registreschan gia passa 60’000 clics.

Gugent piglia Christian Gartmann er encunter novas ideas u metta a disposiziun la plattafurma “Hallo Unterländer” per acziuns da terzas persunas. Impurtant saja da betg be udir a planscher ils turistichers, mabain da far activamain reclama per tut quai che l’Engiadina ed il chantun Grischun porschan.