Siglir tar il cuntegn
cuntegn

Engiadina Loipa sin il lai resta averta suenter l’accident cun ratrac

Las vischnancas da Silvaplauna, Segl e Bregaglia han decidì communablamain che la loipa e la senda da viandar sin ils lais da Champfèr, Silvaplauna e Segl restan avertas.

Legenda: Guardar il video Il di suenter l’accident sin il Lai da Silvaplauna. Durada 02:07 minutas.
Or da Telesguard dals 12.02.2015.

La segirtad sin la loipa e sin la senda marcada saja dada. Las vischnancas scrivan ch'i na dettia dentant nagina segirtad absoluta. La qualitad e grossezza dal glatsch sin ils lais saja dentant uschia ch'ins possia laschar avert las loipas e sendas da viandar marcadas. Las cuvertas dal glatsch vegnian survegliadas vinavant.

En connex cun l’accident mortal cun in ratrac mesemna, ils 11 da favrer na pon las vischnancas dentant dar naginas novas infurmaziuns. La polizia examinescha l'accident.

Perquai fan ins actualmain la pista da passlung mo pli cun skidoos ch’èn pli levs e che han agids per nudar.

La maschina da pista da 3.5 tonnas era rutta en il glatsch sin il lai da Silvaplauna ier. Il manischunz è mort tar l'accident.

RR novitads 14:00