Siglir tar il cuntegn

Engiadina Lia Rumantscha è da nov a Scuol da chasa

La Lia Rumantscha dischlochescha sia filiala en Engiadina da Zernez a Scuol. Quai a partir dal zercladur 2016.

logo Lia Rumantscha
Legenda: La Lia Rumantsch è a partir da zercladur a Scuol da chasa mad

Ils collavuraturs Flurina Plouda Lazzarini e Mario Pult surpiglian las novas localitads en il medem edifizi sco l’Administraziun chantunala a la Via Stradun 403 A a Scuol.

La squadra vegnia rinforzada cun Martina Shuler-Fluor che cumenza il matg sia incumbensa a temp parzial (20%) sco promotura regiunala en l’Engiadin’Ota, scriva la Lia Rumantscha en sia communicaziun.

Ultra da quai èsi previs da realisar ina collavuraziun pli stretga cun il Chesin Manella da l’Uniun dals Grischs a Schlarigna per augmentar uschia la preschientscha da la Lia Rumantscha en Engiadin’Ota.

Ina pitschna festa d’inauguraziun saja previsa pli tard, suenter la mida il mais da zercladur.