Il nov model da studi ch’i dat fin uss en questa furma be a Samedan è ina scolaziun durant il temp da stagiun morta. Vul dir mintgamai dal settember fin il december e da l'avrigl fin il zercladur.
Cun il concept da scolaziun adattà a las stagiuns po profitar d'ina vart il patrun da lavur cun avair in emploià durant almain trais onns. Da l’autra po il student er lavurar en in pensum cumplain e gudagnar ina paja normala.
Il studi cumplet per daventar spezialist da turissem diplomà custa radund 13'500 francs. Il nov model cun 13 da 15 plazzas occupadas ha cumenzà cun success l’atun passà.