Legenda:
Suenter la detonaziun vegn pulvra or dal tunnel.
RTR/D. Spinnler
Per il sviament da Silvaplana cumenza il tunnel en la segunda storta a piz da la via sur il Pass dal Güglia, gist sur la vischnanca da Silvaplana. Il tunnel crescha, detonaziun per detonaziun. Mintga giada è il tunnel 4 meters pli lung. Per ina detonaziun monteschan ils lavurers 152 detonaturs, e mettan radund 500 kilos material explosiv en las foras da 4 meters lunghezza. Suenter las detonaziuns ves'ins la pulvra che vegn or dal portal dal tunnel.
Il tunnel ha ussa già ina lunghezza da 181 meters, da total radund 750 meters. La via tras il tunnel vegn ad avair ina pendenza da passa 8%. La perfuraziun dal tunnel duai succeder l'onn 2016.
Legenda:
Preparaziuns per la prosma detonaziun.
RTR/D. Spinnler
audio
Bunura: Lavur intensiva vid tunnel dal sviament da Silvaplana
ord Actualitad dals 19.08.2015.
laschar ir. Durada: 4 minutas 7 Secundas.