Siglir tar il cuntegn
cuntegn

Engiadina Launa-nursa d'Ardez è in success

La butia da products da nursas ad Ardez exista dapi set onns. Radund 10 dunnas avevan quella giada gì l’iniziativa da promover l’elavuraziun dal product launa-nursa. Ussa – set onns pli tard – exista quella butia anc adina.

In'entira launa-nursa
Legenda: Il classicher per seser davant il chamin. Forsa er in cliché dals films :) RTR, Reto Mayer

Il product launa-nursa ha pers ils ultims onns adina dapli valur. Quai è stà in dals motivs che otg dunnas d’Ardez e conturn han decis il 2009 da fundar in butia cun products da nursas ad Ardez. Ussa – set onns pli tard – exista quella anc adina ed er finanzialmain è l’interpresa stada in success.

Gronda paletta da products da launa

Tut ils products vegnan elavurads da quellas radund 10 dunnas ch’èn sa participadas vid quella butia. La paletta tanscha da chapitschas, pullovers, launa, plimatschs fin pels da nursas. Che quella butia funcziuna bain, demussa er il fatg, ch’ella è er vegnida nominada per il «Prix Montagne». Il premi n’han las dunnas betg survegnì. Ellas han però la satisfacziun che lur butia è vegnida renconuschida er dal punct da vista economic e betg mo pervi dals products spezials.

RR actualitad 11:00