Siglir tar il cuntegn

Engiadina Las Ovras Electricas han problems causa la bova da Livigno

La bova immensa cun ina largezza da 400 meters ha fatg vegnir a val 15'000 meters cubic material - per part era en il lai da Livigno. Quai ha chaschunà problems - era tar las Ovras Electricas d'Engiadina (OEE).

Per il mument èn las OEE vi da lavurs da sanaziun d’indrizs tecnics sut auta en ina profunditad da varga 100 meters sut il spievel dil lai. Tras la bova è daventada l’aua fitg malnetta e turbla. La vesida sut aua era sa diminuida massivamain ed ha prucurà per retard da las lavurs da sanaziun, declera il directur substitut da las OEE, Roland Andri.

Retadà lavurs custaivlas

In di da lavur hajan els gia pers tras la bova, ina perditta custaivla cun quai che mintga di pers en las profunditads dal lai custa 100’000 francs a l'interpresa d'electricitad.

Ulteriurs custs

In auter problem e sperditas finanzialas per las ovras, procura il fatg che la colliaziun tranter la Svizra e Livigno tras il tunnel da Munt la Schera era serrada bunamain quatter dis. Per il passagi tras il tunnel ston ins pajar a las OEE. Tenor Roland Andri n'è quella sperdita anc betg enconuschenta.