Siglir tar il cuntegn

Engiadina Las malauras da Scuol – 2 onns pli tard

L’erva è verda, las punts èn reparadas, las fatschadas han puspè lur sgrafit ed era l’aua dals auals sburfla a ses lieu. Las mesiras d’urgenza èn realisadas - las mesiras da segirezza percunter, quellas èn mo sin palpiri.

Legende: Video «sil punct» dals 06.07.2017 dus onns suenter las malauras a Scuol abspielen. Laufzeit 02:00 Minuten.
Or da RTR dals 06.07.2017.

Il fanadur 2015 è la vischnanca da Scuol vegnida pertutgada da gronds donns tras urizis. Las vals èn idas surora ed han procurà per gronds donns. Finalmain dastgan ins cumenzar cun las emprimas lavurs da segirezza. Previs èn oravant tut dus gronds projects.

Sanaziun da la val Clozza tras Scuol

La vischnanca da Scuol ha consentì in credit da 1,5 milliuns francs per realisar differentas mesiras lung al letg da l’aua. Quai èn in batschigl da retegn, sbassar il letg da l’aua ed era realisar mirs artifizials lung la val Clozza.

3 variantas pussaivlas per la fracziun da Pradella

Radund 3 milliuns francs prevesan ins d’investir en la segirezza da la fracziun da Pradella. Trais variantas stattan en discussiun, sviar tut la val, realisar in batschigl da retegn per avair dapli controlla u schlargiar il letg da la Triazza giusut nua che la val curra en l'En. Il credit sto anc vegnir consentì da la populaziun.

Tut las mesiras da segirezza vegnan a custar tranter 6 e 10 milliuns francs. La realisaziun è prevesida tranter ils onns 2017 e 2019.

Cumparegliaziun dal maletgs

Stuschar reglader a sanester Stuschar reglader a dretg
Legenda:ANR/RTR, G. Luzzi