Siglir tar il cuntegn
Inhalt

Engiadina Las finanzas da Valsot sin bunas chommas

Danovamain astga il capo communal Victor Peer preschentar a la radunanza in preventiv plaschaivel

La radunanza communala da Valsot en la sala polivalenta a Ramosch
Legenda: La radunanza communala da Valsot en la sala polivalenta a Ramosch RTR, Georg Luzzi

Ils 53 preschents a la radunanza communala da Valsot han acceptà il preventiv 2018. Il quint current prevesa in gudogn da radund 1.6 milliuns francs, quai tar entradas da 10.4 milliuns francs e sortidas da 8.8 milliuns francs. Il pe da taglia 2018 resta sco fin qua sin 95%.

A Valsot prevesan ins investiziuns en l’infrastructura da radund 4.7 milliuns francs. Ils gronds projects èn la realisaziun da differentas etappas per renovar il provediment d’aua ed aua persa, la realisaziun d’ina zona d’abitar a Chaflur e la via da velo tranter Martina e Vinadi en direcziun Tirol dal Nord. Las investiziuns nettas muntan a 2.3 milliuns francs.

Proteger il cot selvadi

La radunanza ha acceptà ina zona da natira speziala, en la regiun visavi dal vitg da Strada e Martina (a dretga dal flum), quel dess oravant tut proteger il spazi da viver per il cot selvadi.

RR novitads 06:00