Siglir tar il cuntegn

Header

cuntegn

Engiadina Lantschà l’onn da giubileum 50 onns maraton engiadinais

Cun ina vernissascha da maletgs or da l’istorgia da 50 onns maraton da skis engiadinais è vegni lantschà l’onn da giubileum.

Sin la via dal lai da San Murezzan atras la chasa da parcar Serletta fin tar la via Serlas datti da nov da vesair 31 maletgs sur da l’istorgia dal maraton da skis engiadinais. Ils maletgs exposts raquintan l’istorgia da la pli gronda occurrenza da cursa lunga en Svizra. Quai ch'ha cumenzà l’onn 1969 cun stgars 1000 participants ed è creschì durant l’ultim mez tschientaner enormamain. Ozendi sa participeschan varga 13’000 curriders al maraton.

Exposiziuns ed acziuns en divers lieus

L’exposiziun da maletgs che raquintan l’istorgia ed il svilup dal maraton da skis en Engiadina è l’emprima da numerusas acziuns en connex cun il giubileum da tschuncanta onns.

Fin tar l’ediziun da giubileum dal maraton ils 11 da mars 2018 spetgan anc diversas autras occurrenzas. Tuttas cun l’intent da mussar il svilup dal maraton dals emprims pass fin tar la cursa populara enconuschenta sin tut il mund. E sa chapescha era cun la renconuschientscha necessaria per tut quels che han attribuì al grond success dal maraton ils davos tschuncanta onns.

Artitgels legids il pli savens