Siglir tar il cuntegn
Inhalt

Engiadina La via dal Pass dal Bernina è puspè averta

Tranter Puntraschigna e Lagalb èn pliras bovas idas a val la mesemna vers saira. Perquai è la via dal Pass dal Bernina stada serrada.

La via dal Pass dal Bernina è stada serrada la mesemna saira. La raschun èn stadas quatter bovas da glitta e glera ch'èn vegnidas giu tranter Puntraschigna e Lagalb, datiers da la cruschada Morteratsch. Las bovas hajan curclà la via principala sin ina lunghezza da circa 500 meters, ha Roman Rüegg da la Polizia chantunala ditg envers RTR. Quai saja capità mesemna cunter saira enturn las 17:00, suenter grevs urizis en la regiun. Las lavurs da rumida han cumenzà curt suenter e la via ha entant puspè pudì vegnir averta.

Naginas persunas èn vegnidas blessadas. Davart ils donns n'ha la polizia anc betg pudì dar scleriment.

RR novitads 06:00