Siglir tar il cuntegn
Inhalt

Engiadina La Val S-charl è puspè cuntanschibla

Vers venderdi saira vegn mess en funcziun la punt provisorica da l'armada a S-charl. Pervi da las bovas che han devastà la via e la punt è l'uclaun da la vischnanca da Scuol stà cuntanschibel durant in'emna sulet a pe.

Legende: Video La punt provisorica en Val S-charl è ina premiera abspielen. Laufzeit 02:12 Minuten.
Or da Actualitad video dals 30.07.2015.

Tenor Jon Carl Stecher, il schef da l'uffizi da construcziun da Scuol, haja la construcziun da la punt d'urgenza funcziunà tenor plan. L'armada metta a disposiziun la punt gratuitamain per in mez onn fin ch'ina punt civila è construida.

Anc mai ha l’armada svizra installà ina tala punt en in cas d’urgenza per diever civil. Grazia a questa premiera n‘è S-charl ussa betg pli separà dal rest da mund.

19 schuldads da l’armada svizra han lavurà sin il plazzal da la punt provisorica en la Val S-charl. A partir da damaun venderdi duain uschia var 80 persunas pudair bandunar la Val S-charl sin via. La punt provisorica cun ina lunghezza da 46 meters po purtar paisas fin ad 80 tonnas.

RR novitads 15:00