Siglir tar il cuntegn

Header

cuntegn

Engiadina La Val Müstair cumpra l'edifizi da Lü Stailas

La vischnanca da Val Müstair cumpra la chasa da la Alpine Astro Village SA a Lü cun sis abitaziuns per radund 1.4 milliuns francs.

La radunanza communala ha decidì unanimamain da cumprar la chasa a Lü. La cumpra da l'edifizi saja la varianta la pli favuraivla per la vischnanca, ha declerà il president communal Rico Lamprecht. La Alpine Astro Village n'aveva betg pli savì pajar sias obligaziuns. Per evitar in concurs datti ussa ina liquidaziun quieta. La vischnanca da Val Müstair surpiglia l'ipoteca e paja enavos l'emprest dal chantun. Ils 600'000 francs che la vischnanca aveva dà sco garanzia èn pers per la vischnanca. Uschia è ussa l'istorgia dal project Lü Stailas definitivamain a fin. La famiglia Ourednik che gestiunescha l'interpresa Alpine Astro Village è partida en il Partenz.

audio
La Val Müstair cumpra l'edifizi da Lü Stailas
ord Actualitad dals 01.06.2018.
laschar ir. Durada: 2 minutas 45 Secundas.

L'avegnir stat en las stailas

La vischnanca vul ussa vender la chasa cun sis abitaziuns. Quellas pon era vegnir utilisadas sco segundas abitaziuns. Sch'i dat cumpraders per singulas da las sis abitaziuns u interessents per l'entira chasa n'è anc betg cler.

RR novitads 07:00

Artitgels legids il pli savens