Siglir tar il cuntegn

Header

video
Il brischagrappa da Brusio
Or da RTR dals 11.11.2016.
laschar ir. Durada: 3 minutas.
  1. Novitads
  2. Engiadina
  3. Artitgel actual
cuntegn

Engiadina La Svizra brischa puspè – vinars

Ils 12 da november è il di naziunal da brischar vinars, quai per la segunda giada. Pervi da quest’occasiun avran las meglras destillarias da la Svizra lur portas per il public.

Parter

En Svizra avran las 42 meglras destillarias da vinars lur portas per il public. Trais da questas destillarias èn en il Grischun. Il public po sagiar pliras sorts da vinars e products culinarics sco per exempel fondue da Whisky u liongias da trester. L’idea è da sensibilisar la glieud per questa tradiziun e cultura ritga.

audio
Brusio - di dal brischar vinars
ord Actualitad dals 12.11.2016.
laschar ir. Durada: 3 minutas 1 Secunda.

Mintga regiun ha si'atgna puma e sias atgnas ervas ed uschia era vinars tut spezial e destillarias specificas. Ina destillaria tut speziala è en la Val Puschlav a Brusio. Ella è ina da las paucas che dastga producir grappa en Svizra. Grappa è in destillat extraordinari. Il num grappa è in num protegì e sto vegnir producì cun trester d’iva da l’Italia.

Pietro Misani è viticultur e brischavinars a Brusio. Sias vignas èn paucs kilometers davent da Brusio però da l’autra vart dal cunfin svizzer en la Vuclina (I). Uschia è el in dals paucs brischavinars svizzers che dastga far grappa en Svizra.

Parter
  1. Novitads
  2. Engiadina
  3. Artitgel actual

Artitgels legids il pli savens

cuntegn dal modal
Menu

Tschertga

Navigaziun principala

Enquista en Modal

(Vegn avert en ina nova fanestra.)