La bun’aura e pistas bain preparadas hajan carmalà var 1’000 skiunzs e snowboarders en il territori da Diavolezza, pon ins leger en ina communicaziun da l’interpresa.
La pendiculara Diavolezza, sco era la sutgera Diavolezzafirn èn en funcziun mintga di, da las 7:45 fin las 16:30 fin ils 20 da november. Suenter è la pendiculara serrada fin ils 18 da december 2015 pervi da las lavurs da revisiun annualas. A partir dals 19 da december cumenza lura il manaschi regular.
Las proximas destinaziuns che cumenzan il manaschi d’enviern èn Laax (31.10), Tavau Claustra (20.11), Corvatsch – Segl– Silvaplauna (21.11) e San Murezzan – Corviglia (21.11).