Siglir tar il cuntegn

Engiadina La Seeinfra SA n'ha betg rumì bain avunda il lai da San Murezzan

Ina situaziun che na cuntenta betg la vischnanca ed era betg il guardiapestga, Reto Gritti. El fa quitads per la biologia dal lai. Problematic èn ils materials che na nodan betg e che van sut. Quai procura per ina producziun dad algas en il lai.

Legende: Video La merda sin il lai da San Murezzan dat da discutar. abspielen. Laufzeit 3:02 Minuten.
Or da Actualitad video dals 15.04.2016.

I saja grev da quantifitgar il problem di Reto Gritti. Ils peschs reageschan pir suenter divers onns. Gritti è dentant persvas che talas situaziuns hajan in’influenza negativa sin l’ecosistem dad in lai ni flum. La consequenza è ch'i dat dapli algas e quellas na produceschan be, mabain dovran era l’oxigen. E senza oxigen – nagina vita.

I vala d’evitar purtrets dal lai la primavaira sco quest onn.
Autur: Reto Grittisurvegliader da pestga Inn/Maria

Era vischnanca ha reclamà tar la Seeinfra SA

Sco quai ch'il president communal da San Murezzan, Sigi Asprion, ha ditg sin dumonda da Radiotelevisiun Svizra Rumantscha, na sajan els betg cuntent cun il resultat dal far urden sin il lai suenter las occurrenzas. Ins tschertgiar il discurs cun ils responsabels da la Seeinfra per meglierar la situaziun en l'avegnir.

Legende: Video Impreschiuns ord l'aria abspielen. Laufzeit 0:28 Minuten.
Dals 15.04.2016.

Seeinfra sa dosta

Leandro Testa, il president dal cussegl administrativ da la Seeinfra, sà che la situaziun n'è betg cuntentaivla. Rumir il lai na saja dentant era betg uschè simpel. Quai che saja uss anc sin il lai dattan naiv e glatsch pir liber uss da primavaira. La SeeInfra sa dettia fadia da far il meglier pussaivel mintg’onn.

Impreschiuns da la merda sin il lai da San Murezzan