I saja grev da quantifitgar il problem di Reto Gritti. Ils peschs reageschan pir suenter divers onns. Gritti è dentant persvas che talas situaziuns hajan in’influenza negativa sin l’ecosistem dad in lai ni flum. La consequenza è ch'i dat dapli algas e quellas na produceschan be, mabain dovran era l’oxigen. E senza oxigen – nagina vita.
I vala d’evitar purtrets dal lai la primavaira sco quest onn.
Era vischnanca ha reclamà tar la Seeinfra SA
Sco quai ch'il president communal da San Murezzan, Sigi Asprion, ha ditg sin dumonda da Radiotelevisiun Svizra Rumantscha, na sajan els betg cuntent cun il resultat dal far urden sin il lai suenter las occurrenzas. Ins tschertgiar il discurs cun ils responsabels da la Seeinfra per meglierar la situaziun en l'avegnir.
Seeinfra sa dosta
Leandro Testa, il president dal cussegl administrativ da la Seeinfra, sà che la situaziun n'è betg cuntentaivla. Rumir il lai na saja dentant era betg uschè simpel. Quai che saja uss anc sin il lai dattan naiv e glatsch pir liber uss da primavaira. La SeeInfra sa dettia fadia da far il meglier pussaivel mintg’onn.
