Siglir tar il cuntegn
Inhalt

Engiadina “La Punt vacanzas” onurescha Seraina Friedli

La vischnanca da La Punt Chamues-ch è superbia da la las prestaziuns da las ballapedista Seraina Friedli. Ella ha perquai onurà la giuvna da 22 onns e surdat in import da promoziun da 1000.--.

Quatter persunas Ralph Böse, Seraina Friedli, Urs Niederegger, Florian Zgraggen
Legenda: Sustegn per la giuvna ballapedista Ralph Böse, La Punt vacanzas; Seraina Friedli; Urs Niederegger e Florian Zgraggen commembers da la suprastanza. mad

Seraina Friedli che e creschida si a La Punt Chamues-ch ha pudì realisar il grond sigl en l’elita da ballape. Dal pitschen club “FC Lusitanos de Samedan” nua ch’ella aveva cumenzà a giugar be or da mirveglias e plaschair vi dal moviment, ha Seraina Friedli fatg il proxim pass tar il FC Tusaun-Cazas. Grazia il sustegn da tut la famiglia ha la goalista finalmain cuntanschi il grond club da ballape da Turitg il FCZ.

Quest onn ha l’engiadinaisa gudagnà cun las dunnas dal FCZ las mastranzas svizras ed er la coppa tar il ballape da dunnas.

Sper Seraina Friedli sustegna la vischnanca da La Punt Chamues-ch er adina puspè il victur olimpic, Sandro Viletta.