Siglir tar il cuntegn
Inhalt

Engiadina La Punt sco lieu che collia

La Punt ha preschentà sia nova strategia turistica. In dals puncts centrals è da metter en il center ils possessurs da segunda abitaziuns. Quels fan vacanzas en il lieu, per part lavuran els era a La Punt. Era ha l'organisaziun in nov manader.

Chesa cumünela da La Punt
Legenda: La vischnanca da La Punt vul esser in lieu che collia - quai è sia nova strategia turistica RTR/David Spinnler

La Punt vul esser in lieu che collia. I saja ina tradiziun da colliar sch'ins saja ina vischnanca al pe dad in pass ha ditg Ralph Böse, il manader da La Punt vacanzas envers RTR. Uschia vul La Punt metter en il center ses giasts principals, ils abitants da segundas abitaziuns. La Punt ha radund 800 possessurs da segundas abitaziuns. La populaziun da la vischnanca muntava il 2016 la fin da l'onn a 745 abitantas e abitants.

Nov manader

Ralph Böse e Kilian Steiner
Legenda: Ralph Böse (dretg) surdat la batgetta da La Punt vacanzas a Kilian Steiner (san.) RTR/David Spinnler

La nova strategia ha La Punt vacanzas preschentà gievgia saira a la populaziun. Realisar la nova strategia, quai vegn a far in nov manader. Ralph Böse terminescha sia lavur tar «La Punt vacanzas», ses successur daventa Kilian Steiner. El vul ussa dar vita a la nova strategia e surtut colliar ils indigens ed ils possessurs da segundas abitaziuns.

RR actualitad 12:00