Siglir tar il cuntegn
Inhalt

Engiadina La Punt Chamues-ch duai crescher

La radunanza communala da la Punt Chamues-ch ha concedì in credit per la surbajegiada Truochs/La Resgia. Era ha la vischnanca approvà il preventiv per il 2017 che prevesa in gudogn da 25'000 francs.

Ina vista sur la vischnanca cun naiv.
Legenda: La vischnanca da La Punt Chamues-ch duai crescher cun agid d'in credit da 11 milliuns francs. RTR, Anna Caprez

Cun sulet quatter cuntravuschs ha la vischnanca approvà il credit da 10'950'000 francs per la surbajegiada. Las novas chasas vegnan construidas tranter las duas fracziuns da la vischnanca, La Punt e Chamues-ch. Sco ch'il chanzlist, Urs Niederegger ha ditg ad RTR, haja la vischnanca in conto spezial per realisar novas chasas cun emprimas abitaziuns.

La Punt po sa prestar ina tala investiziun.
Autur: Urs Niedereggerchanzlist, La Punt Chamues-ch

In'emprima etappa prevesa da construir duas da tut ensemen quatter chasas. Alura è previs da construir in edifizi da commerzi da duas auzadas tranter las chasas da mintgamai quatter auzadas, uschè il chanzlist.

Preventiv serra cun in plus

Plinavant ha la radunanza approvà unanimamain il preventiv per l'onn che vegn. Quel prevesa in surpli d'entradas da bundant 25'000 francs. Quai tar investiziuns totalas da 7,8 milliuns francs. Il pe da taglia resta tar 77,5% da la taglia chantunala simpla.

RR novitads 06:00